點先可以玩到 #Seedance 2.0？我即刻為你解答 …

字節跳動 (ByteDance) 最近推嘅 Seedance 2.0 視頻生成大模型喺網絡上真係引起咗超多話題，就連 Elon Musk 剛剛都喺社交媒體平台 X 上就相關評論時話：「It’s happening fast」！

‼️有幾勁？
Seedance 2.0 嘅超逼真、電影級嘅新成影片能力，真係令好多人睇完都嘆為觀止，尤其大家近日喺網絡上面有好多超爆紅嘅生成片——例如跨年代明星打鬥、又或者係經典動漫角色嘅對打場面。

嗰種真實感同鏡頭運用，係以前好難想像「一個模型」可以做到咁似一條成品短片。

💡點樣先玩到？
如果大家來自己 Gen，就真係唔係咁容易，尤其係香港用戶。現階段要喺「小雲雀」或「即夢AI 」呢啲國內AI生成創作平台兼且做埋付費會員，先至可以率先玩到，唔係話你想玩就免費有得玩。

問題嚟喇：用「小雲雀」或「即夢AI 」對香港人最大困難係咩？就係要有國內電話號碼先至搞得掂。呢一層對部分香港用戶嚟講，確實係一個門檻。

👉🏻 一次過搵晒畀你睇
咁唔緊要啦！今日我地搜羅咗十條呢類Seedance 2.0 生成嘅大熱影片，大家先睇住呢啲先，體驗一下佢係咪真係咁勁！

但同一時間，我都要提一提：前兩日我地都寫過官方平台為 Seedance 2.0 「急設限」，暫停輸入真人相片或影片作主體參考嘅功能；而如果要做數碼分身出鏡，亦要先完成真人校驗。

其實，之所以咁快「爆到要設限」，係因為佢逼真程度引起公眾肖像權、聲音權、版權同私隱嘅爭議；

📣 最後就想拋返條問題俾大家：
如果你有機會試用，同 OpenAI 嘅 Sora、又或者同 Google 嘅 Veo 比較，你覺得三者之間邊一個會較好？你會用「逼真度」來決定？定抑或用「可用性「或「穩定性」來判斷？

🚀 Follow 埋我哋，一齊把 AI 變成你嘅 marketing advantage。

========
內容由 Ai Marketer HK 提供

#AIMarketerHK #DigitalMarketing #Seedance