三大AI繪圖引擎激鬥！
Meta Muse Image、OpenAI GPT Image、Google Nano Banana
資訊圖製作實力大考驗
【AI Marketer HK 測試室】 Meta 的 Muse Image AI 繪圖引擎剛剛推出，市場即刻掀起一輪新討論。翻返轉頭睇，Google Nano Banana 初出嗰陣曾經叱咤一時，但後來因為 AI 降智問題，表現越做越差；相反 ，OpenAI GPT Image 2.0 近幾個月，基本上已經佔據領先位置。在呢個背景之下，AI Marketer HK 測試室覺得有必要做一場三方對決，睇下 Meta 呢個新登場嘅選手，實力究竟去到邊。
🐕 測試設計
早幾日，AI Marketer HK 已經做過第一輪測試，用真人人像測試三大模型的「人物一致性」。今日進行第二輪比賽，改用資訊圖（Infographic）。
同一段 prompt，要求生成一張 4:5 垂直比例、以柴犬公仔作主視覺、內含「東京5大必去熱點」旅遊行程資訊的繁體中文資訊圖，分別測試：
1️⃣ Meta Muse Image
2️⃣ OpenAI GPT Image 2.0
3️⃣ Google Nano Banana 2
對做 Marketing、做 Content Creation，或者做 Design 的人來說，資訊圖係經常都需要output的場景，所以呢一輪測試有實際的價值。
👉🏻考檢AI真正實力
資訊圖同人像測試最大唔同之處是是，呢次嘅 prompt 特別要求 AI 自行搜尋同判斷東京五大景點的實際旅遊同交通資訊（而不是單靠 prompt 提供現成資料），等於同時考驗 AI 的資訊搜尋同整合能力，而唔單止係排版靚唔靚。更甚者，呢次仲考 AI 識唔識準確處理大量繁體中文文字，而繁體中文（尤其係筆畫多嘅字）一向係公認最難駕馭嘅語言渲染測試。
🏆 三個模型嘅表現
🔹 Meta Muse Image：構圖生動活潑，柴犬公仔可愛度足夠，整體氛圍營造到位。資訊性尚算足夠，但部分筆畫複雜嘅繁體字會出現「怪獸字」（亂碼），情況不算嚴重，整體有驚喜，但質素仍未到一般性 Production Ready 嘅水平。
🔹 OpenAI GPT Image 2.0：三者之中表現最強。構圖嚴謹、公仔同背景美觀，最重要係資訊量最豐富——除咗基本景點資訊，交通指南仲細緻到提供地鐵站嘅路線同出口，呢一點另外兩個模型完全做唔到。文字因為資訊量大而偏細，但完全冇亂碼問題，線條依然清晰銳利。呢個結果證明咗一件事：繁體中文係資訊圖成敗嘅關鍵考驗，而 OpenAI GPT Image 2.0 完全通過呢個考驗，絕對係 Production Ready 嘅產品。
🔹 Google Nano Banana 2：美觀度同柴犬造型都不差，背景亦算美觀，但構圖布局比較呆板，加上提供嘅資訊量係三者最少。更關鍵嘅係，筆畫多嘅繁體字亂碼問題出現得比 Meta Muse Image 更頻密。
🏆GPT Image 大熱勝出
三者對比嘅結論好清晰：OpenAI GPT Image 2.0 在構圖嚴謹度、資訊完整度同繁中文字準確度三方面都全面領先，絕對係 Production Ready 嘅產品；Meta Muse Image 構圖生動有驚喜，但複雜字偶有亂碼，未完全達標；Google Nano Banana 2 美觀但構圖呆板，資訊量最少，亂碼問題亦最多，同樣未達標。
💡 測試最有趣嘅地方
AI Marketer HK 測試室觀點：人像測試鬥嘅係「識唔識保留身份」，資訊圖測試鬥嘅就係「識唔識處理語境同資訊密度」——尤其係繁體中文呢個出咗名難搞嘅語言。
對經營 FB 旅遊專頁、品牌內容、或者要大量產出資訊圖嘅 Marketer 嚟講，「靚」只係入場門票，「文字準確、資訊完整、排版穩陣」先係決定你敢唔敢直接拎去出街嘅關鍵。
暫時睇，OpenAI GPT Image 2.0 在資訊圖呢處繼續大幅領先；Meta Muse Image 同 Google Nano Banana 2 表現相若，兩者互有長短，可以互相補足，但都未到可以做到Production Ready嘅水平——尤其如果你的內容需要大量繁體中文字。
💬 你的睇法
你哋覺得邊一張資訊圖可以「見到街」？
1、2、3，你會揀邊個模型做你的資訊圖？
👇 留言講下你的觀察。
完整 image prompt 放留言區。
————
👇 相信「AI × 數碼營銷」是未來的你，
歡迎 Tag 一位同行好友，一起成長！
#AIMarketerHK #DigitalMarketing #museimage #nanoBanana #GPTimage
